Il-President tal-POU GWU l-Ispettur Sandro Camilleri fuq F Living TV nhar il-Ġimgħa 15 ta' Diċembru 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar il-Ġimgħa 15 ta' Diċembru 2017

Link tal-filmat fuq Facebook. Agħfas hawn taħt:
https://www.facebook.com/PoliceOfficersUnion/videos/1468716499911197/

Il-President tal-POU GWU l-Ispettur Sandro Camilleri fuq F Living TV nhar il-Ġimgħa 17 ta' Novembru 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar il-Ġimgħa 17 ta' Novembru 2017

Link tal-filmat fuq Facebook. Agħfas hawn taħt:
https://www.facebook.com/PoliceOfficersUnion/videos/vl.384859045275592/1468716499911197/?type=1

Il-President tal-POU GWU l-Ispettur Sandro Camilleri fuq F Living TV nhar il-Erbgħa 8 ta' Novembru 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar il-Erbgħa 8 ta' Novembru 2017

Link tal-filmat fuq Facebook. Agħfas hawn taħt:
https://www.facebook.com/PoliceOfficersUnion/videos/1460970047352509/

Il-President tal-POU GWU l-Ispettur Sandro Camilleri fuq F Living TV nhar il-Ħamis 2 ta' Novembru 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar il-Ħamis 2 ta' Novembru 2017

Link tal-filmat fuq Facebook. Agħfas hawn taħt:
https://www.facebook.com/PoliceOfficersUnion/videos/1455797627869751/

Il-President tal-POU GWU l-Ispettur Sandro Camilleri fuq F Living TV nhar il-Ħamis 12 ta' Ottubru 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar il-Ħamis 12 ta' Ottubru 2017

Link tal-filmat fuq Facebook. Agħfas hawn taħt:
https://www.facebook.com/PoliceOfficersUnion/videos/1435562083226639/

Il-President tal-POU GWU l-Ispettur Sandro Camilleri fuq F Living TV nhar it-Tlieta 26 ta' Settembru 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar it-Tlieta 26 ta' Settembru 2017

Link tal-filmat fuq Facebook. Agħfas hawn taħt:
https://www.facebook.com/PoliceOfficersUnion/videos/1422288704553977/

Il-President tal-POU GWU l-Ispettur Sandro Camilleri fuq F Living TV nhar it-Tnejn 28 ta' Awwissu 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar it-Tnejn 28 ta' Awwissu 2017

Link tal-filmat fuq Facebook. Agħfas hawn taħt:
 https://www.facebook.com/797912446991609/videos/1396444770471704/

Laqgħqa bejn il-GWU u l-Ministru għall-Intern u Sigurtà Nazzjonali Dr Michael Farrugia

F'laqgħa li saret nhar it-Tlieta li għadda bejn il-GWU u l-Ministru Michael Farrugia ġew diskussi diversi suġġetti li jirrigwardjaw postijiet tax-xogħol li jaqgħu taħt id-dekasteru tal-Ministeru għall-Intern u Sigurtà Nazzjonali.

Is-segretarju taqsima Entitajiet Pubbliċi u gvern Jeremy Camilleri tkellem l-aktar dwar id-detention services u l-ħaddiema tal-aġenzija AWAS. Fin-nuqqas tas-Segretarju tat-taqsima Kenny Muscat attenda għall-laqgħa l-Assistent Segretarju Theo Vella, li bħalissa huwa responsabbli mill-Korpi dixxiplinati. L-aktar li tkellem kien dwar temi li jmissu mal-Pulizija, l-Armata u l-uffiċjali korrettivi.

Aktar laqgħat bejn il-Ministeru u l-kumitati rispettivi fi ħdan il-GWU ser jissoktaw fil-ġimgħat li ġejjin. Kemm il-Ministeru għall-Intern u Sigurtà Nazzjonali kif ukoll il-GWU jaqblu li meta jkun hemm il-bżonn ta' bidliet fuq il-postijiet tax-xogħol rispettivi dawn isiru b'konsultazzjoni mal-unjins. Il-GWU ser tibqa' tkun mhux biss il-vuċi u t-tarka tal-ħaddiema, iżda dan lesta tagħmlu b'sens ta' responsabbiltà u koperazzjoni ma' min iħaddem li f'dan il-każ huwa l-Gvern.

Fadal jumejn ċans biex jiġu sottomessi l-applikazzjonijiet dwar il-kumpens tas-sahra 1993-2009 fil-Korp tal-Pulizija

F'Mejju li għadda l-gvern fetaħ l-iskema sabiex jingħata kumpens għal sigħat żejda maħduma bejn l-1993 u l-2009. Eleġibbli biex japplikaw kien hemm Pulizija, Eks Pulizija jew familjari ta' Eks Pulizija li m'għadhomx ħajjin u li b'xi mod kienu jaħdmu aktar minn 46 siegħa mingħajr ma kienu jitħallsu tiegħu fil-perijodu indikat aktar kmieni.

Oriġinarajment il-perijodu biex jiġu sottomessi l-applikazzjonijiet kien id-9 ta' Ġunju, iżda peress li kienn ammont konsiderevoli ta' werrieta li ma kenux ser ilaħqu jipproċessaw id-dokumentazzjoni meħtieġa l-perijodu ġie estiz sal-Ġimgħa 28 ta' Lulju.

Dawk li għadhom ma ssottomettewx l-applikazzjoni għandhom jagħmlu dan sa mhux aktar tard mit-28 ta' Lulju ġewwa l-uffiċċju tal-RSM fil-kwartieri ġenerali tal-Pulizija, Floriana. Dawk li mhux ser jissottomettu l-applikazzjoni fil-ħin ser ikunu tilfu l-kumpens li ser jingħata din is-sena.

Il-proċess tal-verifika għal dawk eleġibbli għandu jintemm sal-aħħar ta' Awwissu u b'hekk aktar tard din is-sena ser jinħarġu l-pagamenti lil dawk kollha ntitolati.

Affiljazzjoni fil-GWU, fl-ETUC u issa wkoll fil-EUROCOP - POU-GWU

Ritratt: 2 membri mill-kumitat ċentrali POU-GWU u 4 membri mill-kumitat eżekuttiv EUROCOP

Calum Steele, Theo Vella, Angels Bosch Camprecios, Sandro Camilleri, Roger Mercatoris, Georgios Stamatakis

 2015

Wara li fis-sena 2015 il-membri tal-Korp tal-Pulizija ġew mogħtija d-dritt li jissieħbu fi trejd unjin tal-għażla tagħhom ġiet imwaqqfa l-Police Officers' Union (POU). Minnufih fl-istess sena ġiet iffirmata l-affiljazzjoni tal-POU fi ħdan il-General Workers' Union (GWU). L-affiljazzjoni fil-GWU kienet l-ewwel priorità sabiex il-POU setgħet tkun suċċess, b'din l-affiljazzjoni kellna s-servizzi u l-faċilitajiet bażiċi sabiex inkunu nistgħu noperaw. Ma tista' qatt taħdem b'mod ħieles favur il-ħaddiema membri tiegħek u fl-istess ħin qed tiġi ffinanzjat mill-prinċipal (l-employer) jew saħansitra qed jipprovdilek minn fejn topera l-istess prinċipal. Nistgħu nkunu l-vuċi reali għax b'ebda mod ma niddependu mill-prinċipal, iżda niddependu biss mill-miżata tal-membri. B'hekk biss tista' tassigura li tkun indipendenti, ma trid tkun indipendenti minn ħadd ħlief minn min iħadmek.

2016

Bis-saħħa tal-affiljazzjoni tagħna fil-GWU bdejna nattendu diversi taħriġ, seminars u laqgħat għan-nom tal-GWU fi ħdan l-ETUC. Il-mod kif il-GWU titratta l-POU daqs li kieku aħna parti minn taqsima fi ħdanha. Il-GWU fehmet li bħala membri tal-Korp li qatt ma kellna min jirrapreżentana għandna bżonn it-taħriġ u l-esperjenza trejdunjonistika anke fuq livell Ewropew. Bis-saħħa tal-affiljazjoni fl-ETUC qed niksbu esperjenzi anke għax qed nibbenefikaw minn taħriġ li torganizza l-ETUI (European Trade Union Institute) fil-qasam trejdunjonistiku. L-ETUC ilha mwaqqfa mill-1973 u fiha 89 konfederazzjoni ta' trejd unjins minn 39 pajjiż Ewropew differenti. L-ETUC tittapreżenta madwar 60 miljun ħaddiem.

2017

 

L-aħħar affiljazzjoni tal-POU-GWU hija fi ħdan il-EUROCOP (European Confederation of Police). L-għan prinċipali ta' din il-konfederazzjoni Ewropea tal-Pulizija hija sabiex tipproteġi d-drittijiet, is-sigurtà u l-valuri tas-soċjetà Pulizjeskja madwar l-Ewropa. L-għan tagħha huwa wkoll li tibni komunikazzjoni u l-aħjar koperazzjoni possibbli bejn il-Korpi Ewropej. Fost il-promozzjonijiet prinċipali tal-Konfederazzjoni wieħed isib Ewropa aktar soċjali għall-Pulizija, sigurtà interna fl-Ewropa, is-sigurtà tal-Pulizija, solidarjetà u konnessjonijiet aħjar.

Il-EUROCOP tirrapreżenta l-membri tagħha f' diversi istituzzjonijiet Ewropej, għandha status ta' osservatur fil-Kunsill Ewropew, kif ukollgħandha komunikazzjoni kontinwa mal-Kummissjoni Ewropeja, mal-Kunsill tal-Ministri u l-Parlament Ewropew. Il-EUROCOP għandha fi ħdanha madwar nofs miljun Pulizija minn 27 pajjiż Ewropew differenti.

Lil hin mill-affiljazzjonijiet kollha msemmija, l-ewwel priorità tal-POU-GWU tibqa dik li nkomplu naħdmu sabiex nammeljoraw il-kundizzjonijiet tax-xogħol ta' kull membru.  Minkejja li għad fadal ħafna xogħol xi jsir nemmnu li qegħdin fit-triq it-tajba u nħossu li l-vuċi tal-membri qed tasal fejn għandha tasal. Irridu nżommu f'moħħna li dan ma jkunx biss Grazzi għal unjin u inthom li tissieħbu magħna kontinwament, iżda wkoll bis-saħħa ta' amministrazzjoni tal-Korp li tkun lesta tisma'. 

Kif kulħadd jaf taħt it-tmexxija tal-Kummissarju s-sur Lawrence Cutajar mhux biss għandna amministrazzjoni li tisma', iżda wkoll lesta li tbiddel u ttejjeb fejn ikun hemm il-ħtieġa. Dan ma jfissirx li naqblu f'kollox, iżda żgur li ż-żewġ naħħat għandna l-għan li kull membru tal-Korp jgħix ħajja aħjar u fuq kollox qed naħdmu f'atmosfera b'rispett reċiproku lejn xulxin. 

L-affiljazzjonijiet kollha msemmija huma meħtieġa u mhux b'kapriċċ. B'hekk issa għandna c-channels kollha f'posthom biex ikollna l-għarfien kollu neċessarju u eventwalment nagħtu l-aħjar servizz possibbli lill-membri tagħna.

Il-President tal-POU GWU l-Ispettur Sandro Camilleri fuq F Living TV nhar l-Erbgħa 12 ta' Lulju 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar l-Erbgħa 12 ta' Lulju 2017

Link tal-filmat fuq Facebook. Agħfas hawn taħt:
https://www.facebook.com/797912446991609/videos/1351391781643670/

Għaxar xhur priġunerija u €5,000 multa talli aggredixxa Pulizija fost akkużi oħra

Sentenza eċċellenti mill-Qorti tal-Maġistrati fuq bniedem li attakka lill-Pulizija membri tagħha l-POU-GWU. Il-Pulizija kellhom jintervjenu ġewwa Kazin fl-Imqabba f’Marzu tas-sena li għaddiet, peress li kien ġie rrapportat li kien hemm mużika għolja, malli l-Pulizija waslu fuq il-post ċertu Michael Farrugia mill-ewwel kien aggressiv fil-konfront tagħhom, fil-fatt din il-persuna attakkat u saħansitra gidem lil wieħed mill-Pulizija. Eventwalment ġie arrestat u mressaq il-Qorti.

Il-POU-GWU tat l-assistenza kollha taghna tul il-perkors tal-Qorti kollu. Illum ingħatat is-sentenza: 10 XHUR HABS EFFETTIV U 5,000 EURO MULTA. Prosit lill-Ispettur Melvin Camilleri bħala uffiċjal prosekutur u lill-Assistant Kummissarju Sandro Gatt li kellna koperazzjoni sħiħa minnu.

------------------------------

AKKUŻI

Fl-Imqabba, fiż-Żurrieq u/jew fi bandi oħra f’Malta, nhar is-27 ta’ Marzu, 2016, għall-ħabta għal-erbgħa ta’ wara nofsinhar (16:00hrs):

1. Ingurja jew għamel offiża fuq il-persuna ta’ persuni inkarigati skont il-liġi minn servizz pubbliku u ċjoè PS 1227 Malcolm Pace, PC 1149 Aaron Debono u PC 1416 Daniel Galea waqt li kienu qed jagħmlu jew minħabba li kienu qed jagħmlu dan is-servizz jew bil-ħsieb li jbeżżahom jew li jinfluwixxi fuqhom kontra l-liġi flesekuzzjoni ta’ dak is-servizz;

2. Attakka jew għamel resistenza bi vjolenza jew b’hebb ta’ xorta li titqies bħala vjolenza pubbilka, kontra l-persuna ta’ wħud inkarigati skont il-liġi minn servizz pubbliku u ċjoè lil PS  1227 Malcolm Pace u PC 1149 Aaron Debono waqt li kienu qed jagixxu għall-esekuzzjoni tal-liġi;

3. Għad li kien xurban, qal fil-pubbliku xi kliem oxxen u indiċenti liema kliem kien jikkonsisti ukoll fi kliem jew espressjonijiet ta’ dagħa jew għamel atti jew ġesti oxxeni jew b’xi mod ieħor offenda l-morali, l-imġieba xierqa jew id-diċenza pubbliku;

4. Kiser volontarjament il-bon ordni jew il-kwiet tal-pubbliku;

5. Ma obdiex ordnijiet leġittimi ta’ wieħed inkarigat skont il-liġi minn servizz pubbliku u ma ħalliehx u fixxklu waqt li qed jagħmel d-dmirijiet tiegħu;

6. F’lok pubbliku jew miftuħ għall-pubbliku instab fis-sakra b’mod li ma jkunx jista’ jieħu ħsieb tiegħu nnifsu; u

7. Irrenda ruħu reċediv.

SENTENZA

Illi fid-dawl ta’ din il-gurisprudenza u tar-rizultanzi processwali l-Qorti tqis li lprosekuzzjoni irnexxiela tipprova l-akkuzi kollha filwaqt li l-hames imputazzjoni hija assorbita, ai fini ta’ piena, fit-tieni imputazzjoni. 

Illi giet prezentata sentenza fil-konfront tal-imputat moghtija nhar is-27 ta’ Marzu, 2014, precizament sentejn qabel ma sehh dan il-kaz, minn fejn jirrizultaw l-istess konnotati tal-imputat. Ghalhekk l-addebitu tar-recidiva gie soddisfacentement ppruvat ukoll.

In kwantu ghal piena, il-Qorti hadet in konsiderazzjoni in-natura tar-reati li qed tinstab htija dwarhom; reati intizi sabiex jimminaw iz-zamma tal-ordni, u aghar minnhekk, jigu vittimizati dawk li lilhom gie fdat dan l-inkarigu.

Ittiehed konsiderazzjoni ukoll tal-fedina penali tal-imputat li bl-ebda mod ma jista’ jitqies bhala xi first time offender. Ma jistax ma jigix nnutat li l-imputat f’Marzu, 2014, instab hati propju fuq offizi identici u cioe` li ghamel offizi fuq persuna nkarigata skond il-ligi minn servizz pubbliku, gwardjan lokali, kif ukoll li attakka u ghamel rezistenza kontra l-imsemmi gwardjan. 

Ghal dawn il-mottivi wara li rat l-artikoli 17(b)(h), 31, 49, 50, 95, 96(a), 338(bb)(dd)(ee)(ff) u 339(1)(e) tal-Kapitolu IX tal-Liġijiet ta’ Malta, issib lillimputat hati tal-akkuzi kollha migjuba fil-konfront tieghu, u tikkundannah ghal ghaxar xhur prigunerija kif ukoll ghal multa ta’ €5,000.

Illum sellimna l-memorja ta' ħutna l-Pulizija li għaddew għall-ħajja ta' dejjem - POU-GWU

Għall-okkazzjoni tal-203 sena mit-twaqqif tal-Korp tal-Pulizija l-POU-GWU ħadet sehem għall-quddiesa, il-quddiesa kienet konċelebrata minn Fr Raymond Bonici. Preżenti għall-quddiesa kien hemm il-Ministru għall-Intern u s-Sigurtà Nazzjonali Dr Michael Farrugia, il-Kummissarju tal-Pulizija s-sur Lawrence Cutajar, il-Kap Eżekuttiv s-sur Angelo Gafa u diversi uffiċjali oħra tal-Korp. Wara saret ċerimonja qasira fuq il-qabar tal-Korp tal-Pulizija.

Minn hawn nixtiequ nsellmu l-memorja tal-membri kollha tal-Korp li għaddw għall-ħajja ta' dejjem u nuru s-solidarjetà tagħna mal-familjari kollha tagħhom.

Atihom o Mulej il-Mistrieħ ta' dejjem.

 

Link tal-filmat fuq Facebook. Agħfas hawn taħt:

https://www.facebook.com/797912446991609/videos/1348139748635540/

Resqin lejn tmiem il-Presidenza ta' Malta fl-UE. GRAZZI lill-membri kollha tal-Korp tal-Pulizija, għamiltuna kburin!

 

Fadal l-aħħar ftit sigħat qabel tintemm il-Presidenza ta' Malta fl-Unjoni Ewropea u m'hemm ebda dubju li din il-Presidenza kienet suċċess. Presidenza bħal din kienet tirrikjedi l-involviment u ħidma ta' diversi persuni li ġejjin minn kull qasam tas-soċjetà u l-koordinament  bejn dawk kollha involuti wassal għal dan is-suċċess.

Forsi mhux kulħadd jirrealizza jew japprezza, iżda biex din il-Presidenza kienet suċċess kien hemm ħidma ma taqta' xejn mill-forzi tal-ordni kollha fil-pajjiz. Minn hawn il-POU-GWU tixtieq tirringrazzja lil dawk kollha nvoluti f'din il-ħidma, iżda b'mod partikolari lill-membri kollha tal-Korp tal-Pulizija. Titgħaxxaq tisma' kummenti dwar kemm il-Pulizija kollha nvoluti ħadmu b'dedikazzjoni u professjonalità waqt il-Presidenza. Tieħu pjaċir aktar meta tismagħha minn persuni distinti barranin li żgur ma jkollhom ebda aġenda moħbija wara dan il-kliem.

Filwaqt nittamaw li l-aħħar sigħat qabel tmiem il-Presidenza ta' Malta fil-kunsill Ewropew jgħaddu wkoll b'wiċċ il-ġid nixtiequ nagħmlu appell, wieħed indirizzat lill-midja u ieħor lill-gvern tal-ġurnata.

L-ewwel appell tagħna lil xi sezzjonijiet tal-midja huwa biex tieqaf tuża lill-Pulizija għal skopijiet politiċi partiġjani, apparti li dan l-attakk ma wassal għal imkien ħlief li l-aħħar stħarriġ juri li l-midja m'għadhiex kredibbli, għada pitgħada tistgħu tiġu bżonn inthom is-servizz tal-Pulizija.

It-tieni appell indirizzat lejn il-gvern tal-ġurnata, minn hawn infakkruh biex waqt in-negozjati għall-ftehim settorjali ġdid għall-Korp tal-Pulizija li se jkomplu fil-ġimgħat li ġejjin, iżomm f'moħħu li mingħajr is-sigurtà fil-pajjiż din il-Presidenza qatt ma setgħet kienet suċċess. Dan ifisser li lil hin mill-kliem t'apprezzament wasal iż-żmien li l-membri tal-Korp tal-Pulzija jkollhom pakkett ta' kundizzjonijiet ferm aħjar minn dak tal-lum.

Waqt li resqin lejn it-tmiem il-Presidenza ta' Malta fl-UE irridu mill-ġdid ngħidu GRAZZI lill-membri kollha tal-Korp tal-Pulizija. Għamiltuna kburin!

Il-President tal-POU GWU l-Ispettur Sandro Camilleri fuq F Living TV nhar l-Erbgħa 22 ta' Ġunju 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar l-Erbgħa 22 ta' Ġunju 2017

Link tal-filmat fuq Facebook. Agħfas hawn taħt:
 https://www.facebook.com/797912446991609/videos/1330833283699520/

Il-President tal-POU GWU l-Ispettur Sandro Camilleri fuq F Living TV nhar it-Tlieta 13 ta' Ġunju 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar it-Tlieta 13 ta' Ġunju 2017

Link tal-filmat fuq Facebook. Agħfas hawn taħt:
https://www.facebook.com/797912446991609/videos/1322090777907104/

Tibqa' toħroġ l-umiltà tal-Kummissarju Lawrence Cutajar - Għandek l-appoġġ kollu tagħna - POU-GWU

Dalgħodu l-Kummissarju tal-Pulizija s-sur Lawrence Cutajar bagħat messaġġ lill-membri kollha tal-Korp fejn wera l-apprezzament tiegħu għas-sagrifiċċji li l-membri tal-Korp għamlu fl-aħħar xhur. Fil-messaġġ tiegħu il-Kummissarju Cutajar ħabbar ukoll li apparti li l-membri tal-Korp ser jitħallsu għax-xogħol li għamlu ser jawtorizza wkoll ġurnata off duty (vice).

Il-Kummissrju Cutajar tul l-aħħar xhur kien attakkat kontinwament b'mod inġust u l-POU-GWU kienet l-unika unjin li ħarġet pubblikament turi s-solidarjetà tagħha miegħu. Minn hawn filwaqt li napprezzaw dan il-ġest sabiħ inħarsu 'l quddiem biex inkomplu naħdmu għall-ġid tal-membri kollha tal-Korp tal-Pulizija.

----------------------------------------------------------------------------------------
IL-MESSAĠĠ TAL-KUMMISSARJU

Kollegi,

Inħossni fid-dmir li nuri l-apprezzament personali tiegħi lil kull wieħed u waħda  minnkom tal-ħidma kbira li għamiltu dawn l-ahhar xhur.  Min jgħix din il-ħidma mill-qrib jaf is-sagrifiċċji kbar li saru u li qegħdin isiru.  Li jkollok impenji matul il-Presidenza u fl-istess ħin tiffaċċja kampanja elettorali mhux ħaġa faċli.  Dan aħna, bħal dejjem, wettaqna din il-ħidma b’impenn kbir u wrejna l-livell għoli ta’ professjonalita’ tan-nies li jħaddan il-Korp tal-Pulizija.  Jiena personali kburi li f’dan il-perjodu ferm impenjattiv kont fit-tmexxija tal-Korp.  Jiena għext u għadni ngħix dawn il-mumenti fil-qrib magħkom.

Jiena nwiegħed li sakemm tagħtini saħħti, ikolli l-fiduċja tal-amministrazzjoni tal-pajjiż u fuq kollox l-appoġġ tagħkom, se nkompli bil-ħidma tiegħi biex inkomplu fit-triq li qbadna ħalli l-Korp tal-Pulizija jkompli miexi ‘il quddiem u jkompli jissaħħaħ fl-istrutturi kollha tiegħu.  Saru ħafna affarijiet imma għad fadal ħafna xi jsir.  Fil-preżent qegħdin f’diskussjonijiet mal-awtoritajiet kkonċernati biex jiġi mfassal ftehim strutturali ġdid li minnu se jgawdu l-membri kollha tal-Korp.  Dan qiegħed isir bil-parteċipazzjoni diretta taż-żewġ unjins li jirrappreżentawkom.

Bħala turija żgħira t’apprezzament, għalkemm tal-ħinijiet żejda li għamiltu se titħallsu, ser nawtorizza li tingħata off duty (vice) lill-membri kollha tal-Korp.

Nerġa’ minn qalbi nirringrazzjakom u nawgura l-kumplament tal-ħidma t-tajba lil kulħadd.

Lawrence Cutajar

Kummissarju

GRAZZI Onorevoli Ministru Carmelo Abela, MERĦBA Onorevoli Ministru Michael Farrugia

 

Il-POU-GWU tixtieq tirringrazzja lill-Onorevoli Ministru Carmelo Abela għall-ħidma li laħaq wettaq bħala Ministru għall-Intern u Sigurtà Nazzjonali fil-leġiżlatura li għaddiet, filwaqt li nixtiequ nifirħu lill-Ministru għall-Intern u Sigurtà Nazzjonali ġdid l-Onorevoli Ministru Michael Farrugia għall-kariga ġdida tiegħu.

Għaldaqstant l-ewwel impenn tagħna bħala unjin se tkun dik li jitkomplew in-negozjati għall-ftehim settorjali ġdid sabiex intejbu l-kundizzjonijiet tal-membri tal-Korp tal-Pulizija kollha.

Nawguraw il-ħidma t-tajba lill-Ministri kollha maħtura, iżda b'mod partikolari lill-Ministri Carmelo Abela u Michael Farrugia li ħdimna u rridu nkomplu naħdmu mill-qrib magħhom.

Appell għall-għaqda fost il-membri tal-Korp... minkejja li konxji li sar theddid fuq diversi Pulizija kieku nbidel il-gvern - POU-GWU

 

Issa li huwa ċar min rebaħ l-Elezzjoni Ġenerali 2017 u bla dubju se jkun hawn diversi ċelebrazzjonijiet fit-toroq Maltin, nixtiequ nappellaw lill-membri tal-Korp sabiex inkomplu bil-ħidma tagħna u nirrispettaw lil xulxin. Nifhmu u konxi mill-fatt li diversi membri tal-Korp ġew mhedda minn membri oħra tal-Korp stess (jew eks membri tal-Korp) li malli jkun hawn bidla fl-amministrazzjoni tal-pajjiz ser ipattuha qares. Nafu wkoll li xi membri tal-Korp għandhom lista ta' membri tal-Korp oħra biex fl-eventwalità li jinbidel il-gvern kienu ser jiġu trasferiti b'mod vendikattiv, fosthom il-persuni msemmija kien hemm l-uffiċjali tal-POU-GWU l-Ispettur Sandro Camilleri u s-Surġent Theo Vella.

Sfortunatament dawn l-insulti u theddid sar ukoll fil-konfront tal-Kummissarju tal-Pulizija nniffsu minn xi membri parlamentari. Sar ukoll fuq diversi membri tal-unjin u diversi persuni li jaħdmu fiċ-ċivil. Minkejja dan kollu għandna nuru li ma rridux inkunu parti mill-elementi ta' firda u b'ebda mod m'għandna nirritaljaw għal din il-provokazzjoni.

Filwaqt li wieħed jifhem li minkejja aħna membri tal-Korp, aħna wkoll umani. F'dan il-mument ikun hemm min jixtieq joħroġ jiċċelebra għax il-partit li jappoġja jkun rebaħ jew għal kuntrarju jkun hawn min hu dispjaċut u ma jkollu aptit ta' xejn għax il-partit li jappoġja jkun tilef. Għaldaqstant irridu nirrispettaw lil xulxin u nkomplu għaddejin bil-ħidma tagħna lejn is-soċjetà.

Fl-aħħar mill-aħħar wara li jgħaddi kollox irridu nkomplu naħdmu flimkien. Irridu nfakkru lill-membri tagħna li bħalma għamilna f'kemm ilna mwaqqfa bħala unjin ser nibqgħu nagħtu l-aħjar servizz possibbli indipendentament mill-opinjoni politika ta' dak li jkun.

Il-Ħidma t-tajba lil kulħadd!

Hawn taħt wieħed isib uħud mill-insulti li għadda minnhom il-Kummissarju s-sur Lawrence Cutajar. Irridu nfakkru li l-POU-GWU kienet l-unika unjin li wriet is-solidarjetà tagħha mas-sur Cutajar. Dejjem konna ċari li minkejja li jkollna diversi kwistjonijiet dejjem żammejna r-rispett lejh personali u l-kariga li jokkupa.

 

 

 

Il-POU-GWU kienet l-unika unjin li wriet solidarjetá mal-Kummissarju meta kien qed jiġi insulentat.

Appell lill-pubbliku biex jikkopera mal-Pulizija - STQARRIJIET IMPORTANTI MILL-KUMMISSJONI ELETTORALI

 

STQARRIJIET IMPORTANTI MILL-KUMMISSJONI ELETTORALI: Elezzjoni Ġenerali – 3 ta’ Ġunju, 2017:

Ċertifikati għal min ma jkunx jista’ joqgħod fil-queue

1.         Il-Kummissjoni Elettorali tgħarraf illi fil-ġurnata tal-votazzjoni, persuni li għalqu l-75 sena u dawk li jinġiebu fuq stretchers jew mill-isptarijiet u djar tal-anzjani, għandhom jitħallew jaqbżu l-queue f’kull ħin tal-votazzjoni mingħajr il-ħtieġa ta’ ċertifikat tat-tabib. 

2.         Persuni ta’ età  bejn is-60 u l-75 sena, jitħallew jaqbżu l-queue bejn is-1.00 pm u l-5.00 pm. 

3.         Dawk il-persuni l-oħra li jkunu morda u ma jistgħux jistennew fil-queue irid ikollhom ċertifikat tat-tabib biex jitħallew jaqbżu l-queue u dan wara s-1.00 pm.  Dawk il-persuni li jippreżentaw il-Karta tal-Identità Speċjali maħruġa mill-Kummissjoni Nazzjonali Persuni b’Diżabilità jingħataw l-istess faċilità mingħajr ħtieġa ta’ ċertifikat mediku. 

4.         Il-Kummissjoni Elettorali tirċievi applikazzjonijiet mingħand dawk it-tobba li mhumiex kandidati għall-Elezzjonijiet għall-għoti ta’ formoli uffiċjali li jservu bħala ċertifikat mediku għal persuni morda biex jitħallew jaqbżu l-queue waqt il-votazzjoni fil-ħin imsemmi aktar qabel. 

Kull tabib li japplika jingħata ammont ta’ formoli li fuqhom jinkiteb iċ-ċertifikat u dan l-ammont ta’ formoli jista’ jiżdied skont il-ħtieġa.

Votazzjoni

Il-Kummissjoni Elettorali tfakkar lill-pubbliku li l-ħinijiet tal-votazzjoni nhar is-Sibt 3 ta’ Ġunju 2017, se jkunu bejn is-7.00am u l-10.00pm bla waqfien. Kulħadd għandu jara li jmur fl-indirizz tal-post tal-votazzjoni li hemm miktub fuq id-dokument tal-vot tiegħu.

Fil-kamra tal-votazzjoni jiddaħħlu għaxar votanti li m’għandhomx bzonn għajnuna għal kull votant li jkollu bżonn l-għajnuna tal-assistenti kummissjonarji elettorali biex jivvota.

Il-Kummissjoni Elettorali tgħarraf ukoll li kull persuna li tostakola jew iżżomm l-aċċess ħieles ta’ votant milli jivvota tkun ħati ta’ reat skont il-liġi.​

Votanti li se jsiefru fil-jum tal-votazzjoni

Il-Kummissjoni Elettorali tavża li nhar jum il-votazzjoni, is-Sibt, 3 ta’ Ġunju, 2017, ser tingħata l-faċilità lill-votanti li jkunu ser isiefru f’dan il-jum stess biex jaqbżu l-kju.  Dawn il-persuni għandhom jieħdu magħhom prova dokumentata tas-safar u juruha lill-pulizija inkarigat fiċ-ċentru tal-votazzjoni. 

Projbizzjoni fuq l-użu ta’ apparat tal-video/audio

Il-Kummissjoni Elettorali tavża li l-użu ta’ mobile phones, cameras, jew apparat tal-fotografija huwa projbit fil-postijiet tal-votazzjoni.  Min jinqabad jieħu ritratt/video ikollu l-apparat elevat. 

Il-Kummissarju Elettorali Church jilqa' t-talba tal-Kummissarju tal-Pulizija Cutajar dwar ħlas lill-fizzjali kollha nvoluti fl-Elezzjoni Ġenerali 2017

Il-Kummissarju tal-Pulizija Lawrence Cutajar u l-Kummissaru Elettorali Joseph Church

Minkejja li għadu mhux konkluz il-ftehim settorjali l-ġdid għall-membri tal-Korp tal-Pulizija li qed jiġi negozjat bħalissa bejn l-unjins (POU-GWU u l-MPA) u l-gvern, il-Kummissarju s-sur Lawrence Cutajar għamel talba sabiex il-Kummissjoni elettorali tħallas lill-fizzjali tal-Korp tal-Pulizija kollha li jkunu qed jaqdu d-doveri tagħhom relatati mal-elezzjoni ġenerali bir-rata tal-extra duty. Filwaqt li l-membri tal-Korp kollha taħt ir-rank ta' Surġent Maġġur dejjem jitħallsu bir-rata ta' 1.5 tal-paga bażika wara li jaqbżu 46 siegħa, il-fizzjali mir-rank ta' Spettur 'il fuq ma jitħallsu ebda ħlas addizzjonali minkejja l-jaqbżu l-istess 46 siegħa. Sfortunatament ir-ranks imsemmija l-aħħar ma jitħallsux minħabba 'ftehim settorjali' li l-gvern kien iffirma waħdu fis-2012.

Il-Kummissarju Cutajar huwa konxju mill-proposti li ż-żewġ unjins preżentaw lill-gvern sabiex jiġi negozjat ftehim settorjali ġdid. Fost diversi proposti preżentati hemm dik li l-uffiċjali li huma non-overtime grades jiġu kumpensati bi ħlas addizzjoni f'okkazzjonijiet nazzjonali, inkluż elezzjoni ġenerali. Sa ftit snin ilu minkejja li kien ikun hemm terzi li lesti jħallsu lill-membri tal-Korp kollha (inkluz il-fizzjali) għas-servizz li jagħtu, mhux l-ewwel darba li l-amministrazzjoni tal-Korp ma kenitx taċċetta tali ħlasijiet għall-fizzjali. Sfortunatament kien hemm min hu tal-fehma li jekk isir tali ħlas din issir prassi.

Kemm ilu fit-tmexxija tal-Korp il-Kummissarju Cutajar l-mentalità hija kompletament differenti u kien hemm diversi okkazzjonijiet fejn kien hu personali li jieħu l-inizjattivà sabiex il-membri tal-Korp igawdu minn kundizzjonijiet aħjar. Qabel is-sena 2014 il-fizzjali qatt ma ħadu xi forma ta' ħlas addizzjonali għal xogħol żejjed li kienu jagħmlu fuq il-ħinijiet normali tagħhom. Kien biss fl-2014 li l-fizzjali għall-ewwel darba ħadu ħlas addizzjonali bir-rata tal-extra duty, dan meta kienu għamlu xogħol relatat mal-elezzjoni tal-parlament Ewropej. Sfortunatament fis-sena 2015 minkejja li t-task force tac-CHOGM kienet lesta tħallas bir-rata tal-extra lill-fizzjali li ħadmu fic-CHOGM, l-amministrazzjoni tal-Korp ta' dakinhar m'għamlitx talba kif għamel illum il-Kummissarju Cutajar bil-konsegwenza bil-konsegwenza li l-fizzjali baqgħu mingħajr ħlas tax-xogħol żejjed li ħadmu.

Minn hawn il-POU-GWU tixtieq tirringrazzja lill-Kummissarju tal-Pulizija s-sur Lawrence Cutajar għat-talba li għamel, kif ukoll nirringrazzjaw lill-Kummissarju Elettorali s-sur Joseph Church talli aċċetta tali talba. Filwaqt li bħala unjin mhux dejjem qbilna mal-amministrazzjoni tal-Korp, nirrikonoxxu l-fatt li l-Kummissarju Cutajar jimpenja ruħu b'mod attiv sabiex itejjeb il-kundizzjonijiet tal-Pulizija kontinwament mingħajr ebda diskriminazzjoni.

Dawn huma r-rati tal-extra duty li ser jitħallsu bihom il-fizzjali minn Spettur 'il fuq. L-uffiċjali l-oħrajn ser jitħallsu bir-rata ta' 1.5 skont il-paga bażika tal-iskala rispettiva.