Mal-200 trejdunjonist se jkunu f'Malta f'Marzu

 

Żball jekk ma titrattax il-materja li l-Ewropa tkun viċin in-nies - Kevin Camilleri, Deputat Segretarju Ġenerali tal-GWU

Għal jumejn sħaħ f'nofs Marzu xejn inqas minn 200 trejdunjonist minn pajjiżi tal-Unjoni Ewropea u oħrajn mhumiex membri se jkunu qed jiltaqgħu f'Malta għall-konferenza tal-Konfederazzjoni tal-Unions Ewropej (ETUC).  inewsmalta.com tkellmet mad-Deputat Segretarju Ġenerali tal-GWU Kevin Camilleri u mas-Segretarju Internazzjonali tal-GWU, Jason Deguara, dwar dak li se jkun diskuss u l-preparamenti tal-loġistika. Kevin Camilleri fil-kumment tiegħu jisħaq li jkun żball jekk ma tiġix trattata it-tema li l-Ewropa tkun viċin in-nies.

Id-Deputat Segretarju Ġenerali Kevin Camilleri qalilna li "t-tema tal-konferenza hi propju l-futur tal-Ewropa.  Kif l-affarijiet qed jinbidlu.  Kellna l-elezzjonijiet fl-Istati Uniti fejn kontra kull xejra Donald Trump issa hu l-President. Diġa tkellem dwar il-fruntiera mal-Messiku, li kif kumpaniji għandhom jirritornaw lura lejn l-Istati Uniti  u l-politika ta' fruntieri li żgur se jkollha impatt fuq l-Ewropa.  Hemm ukoll it-Trattat tat-TTIP li għalkemm bħala unions għandha bosta riservi fuqu u wara Obama, ma nafux x'se jkun l-eżitu issa li  hemm Donald Trump.  Hemm il-kwistjoni ta' Brexit li mhux biss se jkun diskuss il-ħruġ tar-Renju Unit imma anke kif se jiġi nnegozjat pakkett mal-Ingliżi għax ma tridx tagħmel pakkett li jkun attrajenti li jġiegħlek toħroġ mill-Unjoni Ewropea imma fl-istess ħin tibqa' viċin mal-Gran Brittanja.   Hemm il-kwistjoni Le Pen fejn dawn il-popolarita tagħhom qed tikber u issa qed jidher ix-xenarju politiku fl-ambitu Ewropew u kif qed jinbidel.  Din il-konferenza ġiet f'ħin fejn żgur li se nkunu qed nitkellmu fuq il-pilastru għad-drittijiet soċjali".

Kevin Camilleri qalilna li 'dejjem konna adamanti fejn jidħlu drittijiet soċjali.  Dawn m'għandhomx ikunu  biss diċenti imma tajba għaċ-ċittadini Ewropej u dawk Maltin.  Jekk wieħed janalizza l-proposti tagħna fil-baġit jara li dawn huma msejsin biex itejbu l-livell ta' għixien għall-ħaddiema Maltin u Għawdxijn u l-pensjonanti. Tiżbalja l-Ewropa u tiżbalja din il-konferenza jekk ma titrattax din il-materja. Hemm bżonn li l-Ewropa tkun aktar viċin iċ-ċittadin għax fl-aħaħa mill-aħħar huma n-nies li jeleġġu u li jħossu it-tajjeb u l-ħażin ta' dak li tkun qed titratta u toffri l-Ewropa. Hu importanti li nitrattaw dawn il-kwistjonijiet għax jagħmel sens bl-affarijiet li qed jiġru madwarna"

Tenna li "se tinħareġ il-policy paper bit-tema tal-futur tal-Ewropa. Din se tkun konferenza li se ssir għall-ewwel darba u aħna kburin li ħadna din l-inizjattiva. Se tkun konferenza li l-ħaddiem, il-kundizzjonijiet tax-xogħol u l-pilastru għad-drittijiet soċjali se jkun il-qofol tagħha. Dan hu l-aħjar żmien minħabba  l-Presidenza biex il-policies u l-issues tagħna nressquhom lill-Gvern biex jaġixxi fuqhom", temm jgħid Kevinm Camilleri. 

Se jkun hawn mal-200 delegat - Jason Deguara, Segretarju Internazzjonali

Minn naħa tiegħu is-Segretarju Internazzjonali, Jason Deguara fil-kumment lil inewsmalta.com qalilna li "din kienet ħolma tas-Segretarju Ġeneali Josef Bugeja. Ftit xhur ilu kien qasam ħsieb miegħi dwar il-possibilità li nieħdu ħsieb din il-preparazzjoni. Se nilqgħu madwar 200 delegat mill-Unjoni Ewropea u anke barra mill-Unjoni Ewropea. Wara li ddiskutejna, Josef Bugeja tkellem mas-Segretarju Ġenerali tal-ETUC  u dan ħa gost ħafna. Issa nħarġet il-konferma mill-ETUC  li l-konferenza se ssir f'Malta. Hemm ħafna xogħol ta' loġistika x'isir. Qed nitkellmu fuq lukandi fejn se joqogħdu, fejn se jsiru l-konferenzi, diskussjonijiet twal mal-uffiċċju tal-Presidenta li qed tieħu ħsieb fejn hemm diskussjonijiet fuq diversi oqsma li se jgħinuna fihom. Organizzajna kumitat ad hoc fil-GWU biex nieħdu ħsieb il-preparamenti. Din hi konferenza li se ssir għall-ewwel darba", qalilna Jason Deguara.

Ta' min jgħid li f'kumment li s-Segretarju Ġenerali Josef Buġeja lil inewsmalta.com l-ġimgħa li għaddiet qalilna li 'il-miżuri li joħolqu bilanċ bejn il-familja u x-xogħol, hi politika li se tkun diskussa wkoll matul il-konferenza." Bugeja stqarr li din il-politika hija waħda kruċjali biex it-tkabbir ekonomiku jibqa' għaddej bir-ritmu li qabad. "Irridu noħolqu strutturi atipiċi biex dawk in-nies li jixtiequ jaħdmu imma ma jistgħux minħabba numru ta' raġunijiet inkunu nistgħu nakkomodawhom u ngħinhom joħorġu fid-dinja tax-xogħol." 

F'kumment li l-ETUC tat lil din il-gazzetta hi qalet li l-Presidenza Maltija għandha rwol importanti biex ikunu mressqa punti vitali u importanti għall-ħaddiema Ewropej. Fost dawn il-punti, l-ETUC semmiet il-Pilastru Ewropew għad-Drittijiet Soċjali, miżuri ġodda għall-bilanċ bejn il-familja u x-xogħol u protezzjoni għal dawk il-ħaddiema li jagħmlu użu minn materjali li jarmu sustanzi li jikkawżaw il-kanċer.

Intervista Kevin Camilleri
https://www.youtube.com/watch?v=rGPQpCedV-I

Intervista Jason Deguara
https://www.youtube.com/watch?v=nszaqjGPyuU 

Il-kwistjoni tal-Fond Ġenerali tal-Pulizija - Pou Gwu

Minn fejn tlaqna?

Bejn Marzu u Diċembru 2015 

• Staqsejna d-domandi li kienu jistaqsu ħafna membri tal-Korp fejn qed imorru l-flus.
• Ma kienx hemm risposti sodisfaċenti mill-amministrazzjoni tal-Korp.
• Staqsejna direttament lill-Awditur Ġenerali jekk kienx imur għal verifika l-awditjar skont il-liġi, ir-risposta kienet fin-negattiv.
• Tlabna laqgħa mal-amministrazzjoni tal-Korp biex inkunu nafu x’miżuri ser jittieħdu minħabba dan il-ksur ta’ liġi, għamilna suġġerimenti biex ikun hemm trasparenza assoluta u l-fond jintuża verament għall-Ġid tal-membri tal-Korp.
• Il-Proposti tagħna ġew injorati kompletament u saħansitra kien hemm tonalità arroganti.
• Ħriġna direttiva biex il-membri tagħna ma jħallsux il-kontribuzzjoni għax-xahar ta’ Ġunju 2015.
• Komplejna bid-direttiva biex il-membri tagħna ma jħallsux il-kontribuzzjoni għax-xahar ta’ Settembru 2015.
• F’Ottubru l-Kummissarju preċedenti jitlob li niltaqgħu biex insibu soluzzjoni, jwiegħed li l-fond se jkun awditjat u vverifikat skont il-liġi, li se jkun trasparenti billi jippubblikalna l-figuri tal-fond u jikkunsidra li jwaqqaf kumitat ta’ moniteraġġ fuq proposta tagħna.
• Nissospendu d-direttiva għax-xahar ta’ Diċembru 2015 sabiex nibdew paġna ġdida fuq il-premessa ta’ trasparenza.

Bejn Jannar u Diċembru 2016

• Nagħtu żmien biżżejjed sabiex jibda jiġi implimentat dak li kien imwiegħed.
• F’Marzu niktbu l-uffiċċju tal-Awditur Ġenerali jekk l-awditjar tal-Korp marx għall-verifika, ir-risposta kienet fin-negattiv, ninfurmaw lill-Kummissarju li nafu li għadu ma mar ebda awditjar għand l-Awditur. 
• Wara pressjoni li għamilna, l-Awditur Ġenerali jinfurmana li l-awditjar tal-fond wasal għandhom għall-verifika u ser jibda jaħdem fuqu.
• F’April jirriżenja l-Kummissarju preċedenti.
• Minn dak li kien imwiegħed ma sar assolutament xejn ħlief li mar l-awditjar għall-verifika.
• Ħriġna direttiva biex il-membri tagħna ma jħallsux il-kontribuzzjoni għax-xahar ta’ Ġunju 2016.
• F’Awwissu jinħatar Kummissarju Kummissarju s-sur Laurence Cutajar.
• Il-Kummissarju Cutajar jitlob laqgħa magħna sabiex tiġi riżolta l-kwistjoni, ikun hemm qbil li jiġi kompost kumitat sabiex ikun hemm moniteraġġ u konsultazzjoni dwar il-fond.
• Nissospendu d-direttiva għax-xahar ta’ Settembru 2016 wara qbil fil-prinċipju mal-amministrazzjoni ġdida tal-Korp taħt it-tmexxija tal-Kummissarju Cutajar.
• L-amministrazzjoni tal-Korp titlob liż-żewġ unjins ewlenin li jirrapreżentaw il-membri tal-Korp u l-penzjonanti sabiex jinnominaw persuna kull wieħed biex ikun fil-board imwiegħed. Għan nom tal-POU GWU jinħatar is-Surġent Theo Vella, l-Ispettur Sandro Camilleri jkun sostitut.
• F’nofs Novembru l-Kummissarju Cutajar ilaqqa' għall-ewwel darba l-kumitat kompost u jkun hemm qbil li wara li jiġi analizzat ir-rapport tal-NAO insibu l-aħjar triq ‘il quddiem biex il-fond igawdu minnu l-membri kollha tal-Korp. Il-Kummissarju jaġġorna t-tieni laqgħa għal Jannar.
• Lejn tmiem Novembru jkun pubblikat ir-rapport tal-NAO dwar il-fond Ġenerali tal-Pulizija għas-sena 2015. Ir-rapport jindika nuqqasijiet kbar fil-mod kif jiġi amministrat il-fond u jagħmel diversi rakkomandazzjonijiet. Jgħid ukoll li qabel is-sena 2015 ma kienx isir awditjar bi ksur ta’ liġi.
• Il-POU GWU titlob laqgħa urġenti wara r-rapport tal-NAO. Il-Kummissarju ma jilqax din it-talba u jħalli l-laqgħa għal Jannar.
• Il-POU GWU tgħid lill-membri tagħha li minkejja li ma ħarġitx direttiva, il-membri m’għandhomx għalfejn iħallsu qabel jiltaqa’ l-kumitat kompost.

Jannar 2017

• F’Jannar jiltaqa’ l-kumitat fejn il-Kummissarju jgħid li għadu mhux sodisfatt, jirrikonoxxi li kien fadal ħafna aktar xi jsir, li hemm nefqa eseġerata fil-‘parties’ u li trid tinstab soluzzjoni sabiex il-mutual fund biex isir sostenibbli. Wiegħed li ser jevelwa l-proposti li ser iressqu l-unjins fil-laqgħa li jmiss u li beħsiebu jlaqqa l-Kumitat darba fix-xahar.
• Fil-laqgħa r-rappreżentant tal-POU GWU jinnota li ma kienx hemm ħeġġa biex jittieħdu proċeduri fil-konfront ta’ min kien jamministra l-fond illegalment u dan sabiex tintrefa’ r-responsabbiltà
• Fil-laqgħa l-MPA jitolbu lill-Kummissarju jtihom madwar €19,000 mill-fond ġenerali tal-Pulizija, skont huma dawn dovuti lilhom għax fis-sena 2014 (meta ma kien isir ebda awditjar) ħadu biss ¼ tas-somma (madwar €6,000). Konferma li qabel id-dritt li membru tal-Korp jidħol fi trejd unjin tal-għażla tagħhom kienu l-MPA kienu jieħdu madwar €25,000 fis-sena. Ir-rappreżentant tal-POU GWU jagħmilha ċara li jekk dawn il-flus ser jinatgħu ser ikollna l-problemi.
• Il-Kummissarju ma jieħux pożizzjoni dwar dak li qed jitolbu l-MPA u jipposponi d-deċizzjoni tiegħu għal aktar ‘il quddiem.
• Il-POU GWU tlaqqa r-rappreżentanti tagħha u tispjegalhom dan kollu. Xi rappreżentanti staqsew jekk hemmx il-possibilità li mill-kontribuzzjoni li se nħallsu f’Diċembru ux ser jiġu mogħtija lill-MPA. 
• Il-POU GWU tistaqsi l-Kummissarju jekk ux biħsiebu jagħti xi flus lill-MPA mill-kontribuzzjonijiet li ser jinġabru ta’ Diċembru. Assigurana li mhu ser jagħti ebda flus ta’ din ix-xorti qabel jinforma lill-kumitat kompost.
• Meta qiset kollox il-POU GWU tiddeċiedi li l-membri tagħha għandhom iħallsu l-kontribuzzjoni għax-xahar ta’ Diċembru.
• Minkejja li l-MPA ħolqot din l-atmosfera negattiva esponenti taż-żewġ unjins xorta waħda ser jiltaqgħu l-ġimgħa d-dieħla biex ifasslu l-proposti tagħhom ta' x’għandhom ikunu l-prioritajiet tal-fond u kif għandhom jiġi ndirizzati l-problemi li identifika l-NAO.

Link tal-filmat fuq Facebook. Agħfas hawn taħt:
 https://www.facebook.com/797912446991609/videos/1181460141970169/

'Se ssibna miegħek sabiex isiru l-bidliet għall-benefiċċju tal-membri tal-Korp' - POU-GWU

Theo Vella, Kevin Camilleri, Angelo Gafa u Sandro Camilleri

Mal-ħatra tas-CEO il-ġdid tal-Korp tal-Pulizija s-Sur Angelo Gafa, l-POU-GWU apparti li awguratlu għall-kariga ġdida, għamlitlu stedina sabiex tinbena l-aħjar relazzjoni bejn iż-żewġ naħat. Is-sur Gafa laqa' li stedina u l-ewwel laqgħa saret illum l-Erbgħa 18 ta' Jannar ġewwa l-Workers' Memorial Building.

Kienet laqgħa kordjali ħafna fejn fiha ġew skambjati diversi ħsibijiet fuq kif qed jevolvi l-Korp u li sfidi li jridu jiġu ndirizzati sabiex inżommu aġġornati maż-żmenijiet. Ġew diskussi wkoll il-kundizzjonijiet tal-membri tal-Korp u l-unjin talbet lis-sur Gafa sabiex flimkien maż-żewġ unjins (POU-GWU u l-MPA) jinbdew negozjati għall-ftehim settorjali ġdid.

Il-POU-GWU assigurat lis-sur Gafa li se jsibha miegħu sabiex isiru t-tibdiliet neċessarji biex nagħtu servizz aħjar lill-Pubbliku u ntejbu l-kundizzjonijiet tax-xogħol għall-Pulizija kollha. Is-sur Gafa laqa' b'sodisfazzjon li fuq kwistjonijiet ta' natura kollettiva ż-żewġ unjins se jkunu flimkien u wiegħed li jisma' l-opinjoni tar-rappreżentanti tal-ħaddiema meta jsiru bidliet li ser jiġu affetwati l-ħaddiema.

Fiż-żmien li ġej għandu jkun hemm aktar laqgħat ta' din ix-xorta u l-POU-GWU wiegħdet il-koperazzjoni sħiħa tagħha għall-ġid tal-pubbliku u l-membri tal-Korp.

 

Il-President tal-POU GWU l-Ispettur Sandro Camilleri fuq F Living TV nhar il-Ġimgħa 13 ta' Jannar 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar il-Ġimgħa 13 ta' Jannar 2017

Link tal-filmat fuq Facebook. Agħfas hawn taħt:
https://www.facebook.com/797912446991609/videos/1171692346280282/

Grazzi tal-kundanna u Solidarjetà, iżda mhux biżżejjed.

Illum wara nofs fuq l-istazjon ONE radio Dr Stefan Zrinzo Azzopardi kien qed jintervista lill-Ministru tal-Intern u Sigurtà Nazzjonali l-Onorevoli Carmelo Abela. Fost diversi suġġetti ssemma l-każ fejn il-bieraħ Pulizija li kien off duty interjvena għax kien qed isir reat u safa' aggredit serjament. Iż-żewġ kelliema kkundannaw l-aggressjoni u wrew solidarjetà mal-Pulizija involut fil-każ, iżda dan mhux biżżejjed.

Filwaqt li l-POU-GWU tapprezza din il-kundanna, is-solidarjetà u diversi kliem ta' tifħir, tixtieq tfakkar li l-unjin ilha tisħaqq li għandu jkun hemm TOLLERANZA ŻERO għal kull min jattakka membri tal-Korp tal-Pulizija waqt li jkunu qed jaqdu dmirhom. Il-pieni għal dawn ir-reati għandhom ikunu priġunerija tassattiva sabiex jingħata messaġġ ċar. 

L-unjin tixtieq tfakkar ukoll li minkejja li ser nidħlu fir-raba' sena tal-leġiżlatura u l-gvern preżenti kien wiegħed li ser jevalwa l-possibilità ta' polza tal-assigurazzjoni għall-membri tal-Korp din għadha ma waslitx. Każ bħalma seħħ fuq il-Kuntistabbli Christian Agius jista' jkun li jdaħħlu f'diversi spejjeż li jkollu jagħmel tajjeb għalihom hu personali.

Il-President tal-POU GWU l-Ispettur Sandro Camilleri fuq F Living TV nhar it-Tlieta 3 ta' Jannar 2017

Il-President tal-POU GWU l-Ispettur Sandro Camilleri intervistat mill-preżentatur Karl Bonaci fuq l-istazzjon F Living TV Live nhar it-Tlieta 3 ta' Jannar 2017

Link tal-filmat fuq Facebook. Agħfas hawn taħt:
https://www.facebook.com/797912446991609/videos/1162570167192500/

Il-President tal-POU-GWU l-Ispettur Sandro Camilleri jżur lil PC Christian Agius l-isptar Mater Dei

 

Il-President tal-POU-GWU l-Ispettur Sandro Camilleri mar l-Isptar Mater Dei fejn il-membru taghna PC Christian Agius gie aggredit brutalment ghal xejn b'xejn. Ksur f'wiccu u mniehru, punti go wiccu, rasu minfuha bid-daqqiet. Hanek imcaqlaq u snien apparti ksur f'subghajh ta' idu ghax prova jilqa d-daqqiet.

Waqfu vetturi u nies izda hadd ma' jintervjeni

Dak li niehdu l-Pulizija hdura, swat u odju kontrina.

Il-POU-GWU dejjem u f'kull mument wara l-membri tagħha u nagħtuh kull assistenza neċessarja.

Grazzi wkoll lill-Kappillan tal-Korp li kien l-uniku bniedem li cempel biex jaccerta ruhu mill-kundizzjonijiet tal-membru taghna.

Reazzjoni tal-President tal-POU-GWU l-Ispettur Sandro Camilleri hawn taħt:

https://www.facebook.com/797912446991609/videos/1162088720573978/